خلينا نحسب كهرباء شقتك سوا ⚡

احسب برايز كل غرفة على أساس الأجهزة اللي هتستخدمها فعلاً: جنب السرير، مكان التلفزيون، المكتب، والمطبخ. البريزة الناقصة بعد التشطيب بتبقى وصلات وفيشات متفرعة في الأرض.

بريزة USB جنب السرير بتوفر عليك الشواحن والوصلات، وبتتحدد قبل التشطيب.

في الطرقة وغرف النوم المفتاح الديفاتوري بيخليك تطفي وتشغل النور من مكانين.

لازم أماكن المفاتيح والبرايز تتحدد مع الكهربائي قبل ما الحيطة تتقفل: ارتفاع كل بريزة، وأماكن أجهزة المطبخ والتكييف والسخان، وناحية فتح الباب.

اختار لون موحد لكل الشقة (أبيض أو أسود) من أول الأمر، عشان الشكل يبقى متناسق ومفيش اختلاف في الدرجات لو احتجت تكمّل أصناف بعدين.

كل مفتاح وبريزة محتاجين شاسيه وسداده، وده بيدخل في التكلفة. الحاسبة بتحسبهم لك تلقائي عشان الرقم النهائي يبقى قريب من الحقيقي.

التكييف والسخان بيسحبوا تيار عالي، فمحتاجين مفتاح وخط مخصص بأمبير مناسب لكل واحد. حدد ده مع الكهربائي من البداية بدل ما توصلهم على أي بريزة.

التلفزيون محتاج بريزة كهرباء، وغالباً بريزة ستالايت وبريزة نت جنبه. وصلهم مع بعض في نفس المكان قبل التشطيب، عشان متبقاش الأسلاك ظاهرة.

قبل ما تثبّت أماكن البرايز اعرف مكان السرير والدولاب والكنبة. بريزة ورا دولاب أو تحت ارتفاع الأثاث بتبقى غير مستخدمة.

الثلاجة والغسالة والفرن والميكروويف محتاجين بريزات خاصة بكل جهاز. اعرف أجهزتك قبل ما تحدد عدد البريزات وأماكنها.